Gjykata jep masat e sigurisë për 6 punonjësit e Policisë së Durrësit të arrestuar për korrupsion pasiv e shpërdorim detyre.

Është caktuar masa ‘detyrim paraqitje’ për Durim Zekën, Arjan Gyzelin, Dorina Doganajn, Gëzim Çaçën dhe Juliana Kurrajn.

Gjithashtu Gjykata ka vendosur masën 'arrest shtëpie’ për Greta Batushën.

6 policët u vunë në pranga gjatë operacionit ‘KONTROLLORI’, pasi rezultonin se në këmbim të vlerave të ndryshme monetare, bënin të mundur kalimin e paligjshëm të personave me probleme, apo kategorisë së shtetasve  që nuk u lejohet udhëtimi drejt zonës ‘Shengen’.

Gjatë kontrollit të ushtruar në kushtet e flagrancës, punonjësve të policisë iu sekuestruan në cilësinë e provës materiale sasi vlerash monetare në lek dhe euro, në vlerën 2.175  euro, që dyshohet se janë përfituar në mënyrë të kundraligjshme dhe korruptive gjatë ushtrimit të detyrës.