Edhe pse koha kalon, zbrazëtia që ka lënë pas ndarja nga jeta e Shpat Kasapit mbetet një plagë e hapur për familjarët dhe të afërmit e tij. Së fundmi, ish-bashkëshortja e artistit, Selvije Jao, ka përlotur ndjekësit me një dedikim tejet emocional, ku shpreh peshën e rëndë të mungesës që po përjeton.

Përmes një postimi në Insta Story, Selvija ka hapur zemrën duke përshkruar vështirësinë e të jetuarit pa praninë e tij. Ajo ka zgjedhur fjalë të forta për të treguar se malli që ndjen është i përmasave që tejkalojnë forcën njerëzore, duke e cilësuar dhimbjen e shpirtit si diçka thuajse të papërballueshme.

"Një dhimbje e papërballueshme" Selvije Jao dedikim

Përkrah videos që rikthen kujtimet e bukura të artistit, Selvija shkruan se:

"Kur më merr malli për ty, ndjej një dhimbje zemre që është e pamundur të durohet. Kështu do të të kujtoj, derisa të shihemi sërish". 

Ky postim ka ngjallur reagime të shumta te publiku, duke na kujtuar edhe një herë gjurmën e pashlyeshme që Shpati la pas në jetët e atyre që e njohën nga afër, por dhe si artist.