Klubi madrilen ka bërë të ditur nëpërmjet një njoftimi zyrtar në “Twitter” se Santiago Solari nuk do të jetë më trajneri i përkohshëm i Real Madrid.

Ai ka nënshkruar kontratën, e cila i jep atij të drejtën e drejtimit të skuadrës deri në vitin 2021. Solari i ka fituar të katërta takimet dhe ka një bilanc mbreslënës, ku ekipi ka shënuar 15 gola dhe ka pësuar vetëm 2 të tillë. Ish-futbollisti i Realit erdhi në krye të ekipit pas shkarkimit të Lopeteguit.