Loredana dhe Mozzik një prej çifteve më të përfolura të momentit edhe pse nuk janë më bashkë, nuk mund ta mohojnë të shkuarën kjo jo vetëm se kanë një vajzë, por edhe për çmimet që dikur kanë marrë duke kënduar bashkë.

Së fundmi reperja na ka bërë lëmsh të gjithëve me veprimet e saj.

Ndonëse thuhet se ajo dhe Mozzik nuk kanë marrëdhënie të mira, fotot e fundit tregojnë të kundërtën. Në profilin e vogëlushes së tyre Hana, që menaxhohet nga Loredana, janë publikuar disa foto mjaft të bukura.

Në disa foto shihet Mozzik së bashku me vajzën e tij dhe mes tyre në sy bie ajo ku shfaqet edhe Loredana. Fotoja është shkrepur në periudhën kur ata ishin ende bashkë dhe kalonin shumë kohë me njëri-tjetrin.

Me foton ku shfaqen të tre në shtrat, Loredana tregon se me Mozzik dëshiron vetëm paqe, pasi siç e tha edhe tek kënga e fundit, ai është babai i vajzës së saj.