INTV NEWS SHOWBIZ MAGAZINA MUSIC MOVIES FASHION MED+ SPORTS VIDEOS
Rama ''akuzon'' pedagogët: Kanë frikë nga vettingu, kanë bllokuar Paktin për Universitetin

Rama ''akuzon'' pedagogët: Kanë frikë nga vettingu, kanë bllokuar Paktin për Universitetin

Publikuar më: 15:37 12-03-2019

Pakti për Universitetet i lindur pas protestave të studentëve duket se ka mbetur në vend numëro. Kryeministri Edi Rama akuzoi sot pedagogët se e kanë bllokuar procesin, dhe shkak sipas tij është frika nga vettingu.

Lidhur me punësimin e ekselentëve, ai shprehet se kjo është shenjë e shkëputjes së administratës nga politika.

Kryeministri Edi Rama në një takim të zhvilluar me studentët e ekselencës ka akuzuar pedagogët se kanë bllokuar zbatimin e projektit Pakti me Universitetet të nisur pas protestës së studentëve. Sipas tij, shkaku është frika nga vettingu.

Punësimin e 373 të rinjve ekselentë në administratë, kreu i qeverisë Edi Rama e shikon si një moment të rëndësishëm ndryshimi, pasi sipas tij frenon edhe punësimet politike apo të paaftët.

Menjëherë pas takimit të Kryeministrit me të rinjtë e punësuar ka reaguar edhe kreu i të rinjve demokrat.

Belind Këlliçi akuzon qeverinë se po mashtron në lidhje me punësimet pasi për njërën nga vajzat ekselente Enkelejda Shala, Këlliçi tregon se është punësuar që në vitin 2016 nga Erion Veliaj në Bashkinë e Tiranës.

Article Logic
Execution time: 0.0035400390625