Një grua u sulmua ndërsa po shëtiste në park me qenin e saj. Ngjarja ndodhi në fshatin Winnersh, që ndodhet në zonën e Berkshire në Angli. Ishte ora 6 e mbrëmjes kur anglezja u sulmua nga një i panjohur në park. Ai e shtriu viktimën në tokë dhe u përpoq t’i hiqte rrobat, por qeni besnik u bë shumë agresiv. Aq sa bëri të mundur largimin e dhunuesit nga vendi i ngjarjes, ndërsa gruaja nuk u lëndua. Policia ka dhënë disa detaje për ngjarjen e ndodhur në mbrëmjen e datës 1 nëntor, duke përshkruar agresorin si një mashkull rreth të 30-ve, me flokë të errët dhe me një kapuç të zi në kokë. Policia është duke kërkuar agresorin.