50 Cent ka paditur një mjeke me pretendimin se ka përdorur një foto të bërë së bashku për të promovuar biznesin e saj. Reperi me famë botërore pozoi me Angela Kogan, pronare e “Perfection Plastic Surgery & MedSpa”, për një foto në shkurt 2020 duke menduar se ajo ishte një fanse e tij.

Fotoja është publikuar më pas nga mjekja dhe, siç thuhet në padi, është përdorur për të promovuar punën që bën. Reperi pretendon se mjekja ka nënkuptuar se ai iu nënshtrua një operacioni për zmadhimin e penisit. Ai pretendon se kjo ka dëmtuar reputacionin e tij profesional dhe personal.

Në padi, reperi kërkon dëmshpërblim monetar. Gjithashtu ai kërkon që mjekja të ndalojë së shpërndari foton dhe të mos pretendojë se ai qenë një klient.