Fotoja që publikoi Elvisi në Instastory ka shkaktuar një sherr mes tij dhe Antonelës, si dhe Arjanit në puntatën e fundit të “Përputhen”. Antonela u ndje e ofenduar nga kjo foto dhe shpërtheu në lot, ndërsa Arjani ka kërkuar përjashtimin e Elvisit. Pas debatit në studio, Elvisi ka reaguar në Instagram. Ai shprehet se postimi i tij është nxjerrë nga konteksti. Elvisi gjithashtu i ka kërkuar falje të gjitha vajzave që janë prekur nga postimi i tij. (SHIKO KETU). 

Mirëpo Konomi nuk e ka lënë me kaq. Ai ka reaguar sërish në rrjete sociale.

“Një njeri që bën policin, hetuesin, prokurorin, bën gjyqin, merr vendimin, cakton dënimin dhe formën e ekzekutimit! Sa i zgjuar paska qenë ky njeri!”, ka shkruar Konomi me ironi.

 Më tej, ai ka bërë një status tjetër, ku e ka cilësuar Elvisin si “mendje kriminale”.

“Një litar për varje si dënim për një puthje. As një mesjetë inkuizicioni nuk e bënte. E bën vetëm një mendje kriminale (i bindur plotësisht”, ka shkruar opinionisti.