Avokati i 7 herë kampionit të Formula 1 ka rrëfyer për herë të parë detaje zyrtare mbi aksidentin e tmerrshëm të dhjetorit 2013 në alpet franceze. Felix Damm deklaroi se Schumi nuk mundet as të qëndrojë në këmbë me ndihmën e terapisitëve, e jo më të bëjë disa hapa. Ai i bëri këto deklarata në një sallë gjyqi në Gjermani ku përfaqësoi familjen Schumacher kundër revistës “Bunte”. Me këto dëmtime kaq të rënda, familja pretendon privatësi të plotë, por vështirë se do ta marrë.