Sara Gjordeni dhe këngëtari Bardhi do të kurorëzojnë në martesë dashurinë e tyre, e cila nisi pak muaj më parë në shtëpinë e BBV.
Pas zbuluan se do të bëheshin prindër për herë të parë, Bardhi është ulur në gjunjë dhe i ka propozuar për martesë modeles.
“Nuk kam dashur të jesh vetëm nëna e fëmijëve të mi, por edhe gjyshja e disa nipërve e mbesave, si edhe gruaja ime përjetësisht. Do të martohesh me mua?”, iu drejtua Bardhi dhe më pas iu ul në gjunjë, teksa ishin të ftuar në “Cherry On Top”.
Ndërsa Sara e emocionuar iu përgjigj: “Po, po! Po dridhem e gjitha. O zot do të më bjerë të fikët”.
Më pas Bardhi ngrihet në këmbë dhe shkëmben puthje në skenë me ish-Miss-in.
Çifti zbuluan dy ditë më parë në një postim në rrjetet sociale se së shpejti do të mirëpresin në jetë fëmijën e tyre.
“Dritë, mami dhe babi shpresojne qe per ty te jene shembulli me i mire se dashuria e forte nuk pyet per asnje lloj sfide! ????????”, shkruan Sara Gjordeni në mesazhin drejtuar foshnjës që mban në bark.
Ndërsa këngëtari komentoi: “Sara Gjordeni nana e fmijve tmi. ????”
Në një postim në InstaStory, ish-Missi ka zbuluar se është vetëm 4 javëshe shtatzënë dhe se ndanë lajmin me ndjekësit për shkak të gëzimit të madh.
Sara Gjordeni u shpreh se nuk do të ketë një rikthim për të dhe Bardhin në shtëpinë e BBV, duke shtuar se “kemi fituar më shumë se fituesi real i këtij edicioni”.
Modelja theksoi se shtëpia e BBV i forcoi lidhjen me Bardhin “prej të cilës po krijohet një frymë tjetër”, duke kërkuar që të respektohet ky moment i tyre.
“Vetem 4 jave qe drita jone eshte mes nesh por gezimi ishte aq i madh sa te dy donim ta ndanim me dashamiresit tane sa me shpejt, e te gezonim ato zemra qe aq fort besuan tek ne e na mbeshteten ne cdo hap. Urojme te kuptoni terheqjen tone sado te paket nga rrjetet dhe emisionet keto kohe. Sidomos timen. Kjo lumturi kaq e madhe per ne eshte edhe arsyeja perse nuk do te kemi nje rikthim ne Big Brother
Mendojme se kemi fituar SHUME me teper edhe se fituesi real i ketij edicioni. Ajo shtepi na forcoi lidhjen e njeri tjetrit prej se ciles sot po krijohet nje fryme tjeter Pjesa tjeter urojme te respektojne kete moment i cili per ne, ne fund te dites mbetet nje tjeter emocion i madh per tu procesuar mes nje vorbulle emocionesh te tjera”, shkruan Sara Gjordeni.
29 Apr 2024 
