Tayna është padyshim një nga reperet që me suksesin e saj goditi si një meteor të gjithë tregun muzikor, duke arritur që vetëm në një kohë të shkurtër të krijojë hit-e të paharrueshme.

Shumica e këngëtarëve kanë sjellë bashkëpunime me njëri tjetrin qoftë duke nisur edhe nga një koment në Instagram.

Tayna ka bërë të njëjtën gjë në një koment që I ka lënë këngëtares së njohur Samanta Karavella dhe mendohet se do të ketë një bashkëpunim mes tyre.

Teksa Samanta ka pozuar në Miami, vëmendjen e të gjithëve e ka marrë komenti i Tayna-s, e cila i shkruan:

“U knaqe”- ka shkruar Tayna duke e shoqëruar komentin e saj edhe me dy emoji me sytë me zemra.

“Po t’pres”- ia ka kthyer Samanta dhe kaq ka mjaftuar që fansat të aludojnë se dyshja do të sjellin një bashkëpunim.

Ka disa ditë që në disa portale po përflitet se klipi po xhirohet në Florida dhe Samanta ka shkuar për të xhiruar skenat e saj.

Por, asgjë nuk është konfirmuar se nëse do ketë një bashkëpunim mes tyre apo janë thjeshtë fjalë, gjithsesi jemi të bindur se nëse është e vërtetë sigurisht që do kthehet në super hit.