Ndarja nga Miley Cyrus nuk ka ndikuar aspak mirë tek Liam Hemseworth dhe kjo gjë e ka irrituar shumë skuadrën e tij. Drama në marrëdhënie e kishte larguar vëmendjen e Liam nga filmi i ri dhe për këtë arsye ai kishte anuluar disa prej eventeve të ardhshme.

Të gjithë personat që kujdesen për të dhe skuadra e Hemsworth nuk e kanë pritur mirë këtë lloj reagimi të aktorit, sepse sipas tyre kjo gjë mund të ndikojë në performancën e Liam në filmin “The Killerman”, dhe u largua nga Instagram për të kaluar një jetë të qetë larg rrjeteve sociale.

Por, gjithçka ka ndryshuar dhe ai ka marrë një vendim të ri për veten e tij duke i kthyer gjërat e tij siç kanë qenë përherë.

Aktori ndryshe nga Miley zgjodhi këtë mënyrë për t’u qetësuar, megjithatë për shkak të punës atij i është dashur të rikthehet.

Pak orë më parë aktori ka publikuar një foto ku tregon i emocionuar filmin e tij më të ri, i cili ka premierën më 30 gusht.

“I emocionuar për të njoftuar për filmin ku kam punuar me emrin “Killerman” i cili del më 30 gusht. Jam krenar për punën që kanë bërë të gjithë. Ishte një nder të punoja me Emory Cohen, Malik Bader dhe Ken Seng”, ka shkruar ai ndër të tjera.