Dasma e tyre ishte një nga dasmat më të bukura që kemi parë ndonjëherë. Siç e do tradita, pas dasmës e ka rradhën muaji i mjaltit dhe Besi e Xhensila po e shijojnë atë në maksimum, pasi një pjesë të mirë të pushimeve të tyre e kanë pasqyruar në rrjetet sociale. Pas Zvicrës, dy të sapomartuarit “u arratisën” për në ishujt Maldive nga ku na kanë dhuruar foto të mrekullueshme. Por siç duket ata e kanë ndarë mendjen që muajin e mjaltit ta kalojnë në disa vende dhe destinacioni i rradhës është Dubai. Aktori i njohur ka postuar një foto ditën e sotme nga një qendër tregtare në Emiratet e Bashkuara Arabe ku sipas tij aty shkruhet “Laç”, ndërkohë që Xhensila ka postuar një foto nga hoteli ku ata po qëndrojnë ku duket si princeshë me atë fustan të kaltër. Jemi kuriozë të dimë se ku është destinacioni tjetër.