Reperi i famshëm shqiptar Asdren Gjikolli, i njohur ndryshe me emrin e skenës Gjiko, është përfshirë në një aksident të rëndë gjatë së hënës në tunelin e Kalimashit. Mjeti me të cilin ai udhëtonte drejt Velipojës ku do të mbante një koncert, është përplasur me një kamion në brendësi të tunelit.

Ndonëse makina e tij ka pësuar dëmtime të mëdha, reperi fatmirësisht i ka shpëtuar mrekullisht aksidentit dhe pa qetësuar fansat pasi ka postuar në Instagram një foto ku shprehet se është shumë mirë dhe falenderon zotin.

E sigurisht një ndër personat që ka qenë më shumë e shqetësuar dhe e tmerruar është e dashura e tij, Elita Rudi. Moderatorja e njohur ka reaguar pas këtij aksidenti dhe më shumë se asnjëherë tjetër i ka shprehur dashurinë me një foto të postuar në Instagram duke e quajtur reperin si “djalin e preferuar të zotit dhe dashurinë e saj të pakushtëzuar”.