INTV NEWS SHOWBIZ MAGAZINA MUSIC MOVIES FASHION MED+ SPORTS VIDEOS
Opozita thyen bojkotin. Sot në Kuvend për studentët!?

Opozita thyen bojkotin. Sot në Kuvend për studentët!?

Publikuar më: 09:56 20-12-2018

Kjo e enjte sjell dhe rikthimin e opozitës në Paramentin shqiptar pas rreth 6 muaj bojkot. Në afatet limit opozita rikthehet në Kuvend, duke shpëtuar kështu dhe djegien e mandateve të saj. Edhe pse mes tyre kishte nga ata të cilët mbrojtën idenë e djegies së mandateve, aleatët opozitarë ranë dakord që të rinisin aktivitetin parlamentar ditën kur diskutohet dekreti i Presidentit Ilir Meta, i cili ktheu për rishqyrtim buxhetin e vitit 2019.

Ndërkohë hapin e parë për rikthimin zyrtar në Parlament, opozitarët e hodhën në Konferencën e Kryetarëve ditën e martë, ku përfaqësuesit e saj morën pjesë. Konferenca përfshiu në rendin e ditës së punimeve të Parlamentit reformën zgjedhore. Mazhoranca depozitoi në Kuvend draftin e padakortësuar dhe kërkoi që të miratohet menjëherë në një nga dy seancat e parashikuara, por opozitarët bënë me dije se nuk kanë ndërmend ta votojnë.

Article Logic
Execution time: 0.010520935058594