Balerina e njohur Alba Hoxha, e cila së fundmi ka qenë në qendër të vëmendjes për një lidhje të mundshme me koreografin Albi Nako, ka habitur fansat me postimin e saj të fundit.

Pavarësisht se ata janë fotografuar shpesh nën shoqërinë e njëri-tjetrit, dyshja i ka mohuar gjithmonë lajmet se janë një çift.

Por përveç lidhjes me Albin, vëmendje mori edhe marrëdhënia mes Albës dhe ish-bashkëshortes së koreografit, balerinës Klaudia Pepa. Kjo e fundit në një intervistë pak kohë më parë zbuloi se gjatë periudhës së “Kënga Magjike” ishte takuar me të dy.

E marrëdhënien e mirë mes vajzave e zbuloi edhe Alba me një postim që ka bërë në “Instastory”.

Ajo ka publikuar videon e fundit të Klaudias të titulluar ‘U’, duke shprehur kështu mbështetjen për balerinën e famshme tashmë edhe në Itali.