Një sherr ka plasur mes modeles Kleoniki Delijorgji dhe Rezart Veleshnjës, pasi modelja tha se Rezarti është “Seksist, ofendues, djall, i patalentuar dhe pa asnjë vlerë humare”. Ndërkohë, Rezarti u shpreh se Kleoniki është e paaftë mendërisht dhe i ka kërkuar të mos dali më në televizor sepse ngacmon plagët e njerëzve.

Ai i ka përmendur modeles babain e saj, biznesmenin Mihal Delijorgji, i cili ishte pronar i fabrikës në Gërdec ku humbën jetën 26 persona në vitin 2008.

Pas këtyre fjalëve, Niki ka publikuar një foto me të atin në Instastory dhe ka shkruar se ai është i pafajshëm dhe ka dhënë shumë dëmshpërblime për familjarët e viktimave në Gërdec.

“Jeni dele të mediave, politikës dhe të sistemit. Asnjë biznesmen nuk do të bombardonte kompaninë e tij dhe të humbte të gjithë lekët që ka bërë me djersë, duke punuar si kafshë që 6-7 vjeç. Çdo gjë që ka arritur, e ka arritur me forcën e tij dhe me pafundësisht punë. Babai im është njeri i drejtë. Nuk do i futem Gërdecit me detaj se nuk dua të vë në rrezik asnjë pjesëtar të familjes. Më vjen vërtetë keq për të gjithë familjarët që vdiqën dhe u dëmtuan nga tragjedia. Por babai im është i pafajshëm dhe ka bërë shumë dëmshpërblime për familjarët”, ka shkruar ajo.