INTV NEWS SHOWBIZ MAGAZINA MUSIC MOVIES FASHION MED+ SPORTS VIDEOS
Nishani dhe Basha i dërgojnë urime presidentit të ri të PE

Nishani dhe Basha i dërgojnë urime presidentit të ri të PE

Publikuar më: 11:47 18-01-2017

Kreu i Shtetit shqiptar, Bujar Nishani ka uruar Presidentin e ri të Parlamentit Europian, Antonio Tajani.

Në urimin e tij, Nishani shprehet

“Jam i bindur se nën lidershipin tuaj, Parlamenti Evropian jo vetëm që do të kontribuojë në adresimin me sukses të sfidave aktuale me të cilat po përballet Bashkimi Evropian dhe qytetarët e saj, por do të vijojë t’i japë një mbështetje thelbësore procesit të zgjerimit me vendet e Ballkanit Perëndimor”

Gjithashtu eshe kryetari i Partisë Demokratike, Lulzim Basha nëpërmjet rrjetit social facebook, i ka përcjellë urimet zotit Tajanit.

Në statusin e tij ai shprehet

“Sot i përcolla urimet e mia Antonio Tajanit, Presidentit të sapozgjedhur të Parlamentit Europian. Z. Tajani është jo vetëm nënkryetar i Partisë Popullore Europiane, ku bën pjesë Partia Demokratike, por edhe një mik i jashtëzakonshëm.

Si Zëvendës President i Komisionit Europian dhe Komisioner i BE-së ai ka mbështetur përherë përpjekjet e Shqipërisë për zhvillim ekonomik.

Jam i lumtur për zgjedhjen e tij në krye të Parlamentit Europian që do të më japë mundësinë të punojmë së bashku për të çuar përpara integrimin e Shqipërisë në BE”

Article Logic
Execution time: 0.0036489963531494