Një qengj me katër sy e bishtin në ballë në vend të hundës ka lindur në fshatin Vreshtas të ish-komunës Cakran të shtunën.

Katër bebet e syve janë ngjitur me njëra-tjetrën dhe dy prej tyre mbulohen nga bishti.

Qengji ka lindur në familjen e Edmir Merkajt, 37 vjeç. Fermeri thotë se ka provuar t’i japë të pijë qumësht me biberon, por për shkak se nuk ka hundë, kafsha gati sa nuk është mbytur pasi nuk mund të merrte frymë gjatë pirjes.

37-vjeçari ka njoftuar autoritetet për rastin e pazakontë.