Alban Skënderaj dhe Miriam Cani do të bëhen prindër për herë të dytë.

Lajmin e ëmbël e dhanë vetë çifti gjatë koncertit që Albani mbajti në Prishtinë.

Pasi përfunduan së kënduari këngën "Dhurata" që i dedikohet Amelisë, Albani dha lajmin e bukur se po bëhen prindër për herë të dytë.

Së fundmi, Miriami është kontaktuar nga revista “Class” ku dhe ka treguar se sapo ka mbyllur tre mujorin e parë të shtatzënisë.

Këngëtarja ka rrëfyer se është ende herët dhe as ata vetë ende nuk e kanë zbuluar se nëse do të bëhen me një djalë apo një vajzë të dytë.

Kujtojmë që çifti janë prindër të një vajze që quhet Ameli që me siguri mezi po e pret vëllaçkon ose motrën e vogël.