Deputeti Myslim Murrizi, që nuk dorëzoi mandatin, tregoi sot arsyet pse ai nuk veproi si Partia Demokratike. Ai tha se, mandatin nuk ia kanë dhënë peshqesh dhe është njeri që nuk vihet në rresht.  “Mandatin nuk ma ka dhënë njeri peshqesh. Nuk jam as endacak nga një qark në tjetër. Kam dal i pavarur, nuk e duroj dot rreshtin, prandaj shkova tek PD”, tha Murrizi.

Ai u shpreh i gatshëm që të bashkëpunojë me maxhorancën për Kodin Zgjedhor, por me kushtin që ndryshimi thelbësor të ketë të bëjë me listat e emrave për deputetë. "Ti hapim listat dhe në këtë sallë të vijnë vetëm ata që votohen nga qytetarët”, tha ai.