Një moment i veçantë ka ardhur për çiftin e njohur të showbiz-it, Lotina dhe Mozzik, të cilët kanë ndarë me publikun lajmin e ëmbël se do të bëhen prindër për herë të parë së bashku.

Përmes disa fotove të publikuara në rrjetet sociale, Lotina ka konfirmuar pritjen e ëmbël, ku shfaqet me barkun e rrumbullakosur. Ajo ka treguar se ka arritur ta mbajë të fshehtë shtatzëninë për rreth gjashtë muaj, pavarësisht angazhimeve të saj publike dhe televizive.

Në të njëjtin njoftim, çifti ka zbuluar edhe gjininë e foshnjës: ata do të bëhen prindër të një djali. Lajmi është shoqëruar me emocione të forta dhe një mesazh simbolik të ndarë në rrjetet sociale.

Për Lotinën, kjo është përvoja e parë si nënë, ndërsa për reperin Mozzik është fëmija i dytë, pasi ai është tashmë baba i një vajze, Hanës, nga lidhja e mëparshme me këngëtaren Loredana Zefi.

Lajmi është pritur me shumë urime nga ndjekësit, miqtë dhe figura të njohura të ekranit dhe muzikës, të cilët kanë mbushur rrjetet sociale me mesazhe përgëzimi dhe urime për çiftin në këtë kapitull të ri të jetës së tyre.