INTV NEWS SHOWBIZ MAGAZINA MUSIC MOVIES FASHION MED+ SPORTS VIDEOS
Mifol, Rama-Forcave të Armatosura: Djema, jeni heronj

Mifol, Rama-Forcave të Armatosura: Djema, jeni heronj

Publikuar më: 13:55 02-12-2017

Paraditen e sotme kryeministri Edi Rama ka qënë i pranishëm në urën e Mifolit në Fier një nga zonat më të goditura nga përmbytjet.

Ai ka shprehur mbështetje për banorët e prekur nga përmbytja si pasojë e daljes së lumit Vjosë. Më pas ai ka zhvilluar një takim edhe me trupat e Forcave të Armatosura, të cilët janë dislokuar në Urën e Mifolit, në ndihmë të banorëve që presin evakuimin.

“Djema jeni heronj! Nuk di si t’iu falënderoj. Falenderimet dhe vlerësimet e mia maksimale, – ka thënë Rama. – Emergjenca u përballua me një superorganizim. Ndërsa ministrat janë në terren dhe 24 orë pa gjumë”.

Rama po ashtu ka qenë i shoqëruar edhe nga ministrja e Mbrojtjes Olta Xhaçka dhe ministri i Energjetikës Damian Gjiknuri. Në Mifol ishte i pranishëm edhe deputeti i PD, Luan Baçi dhe ai i LSI, Shezai Rrokaj.

Article Logic
Execution time: 0.0033020973205566