Ai është një nga reperat më të veçantë i cili fillimisht u bë i veçantë prej një postimi në Instagram i cili u bë viral. Bëhet fjalë për reperin Tekashi69 emri i vërtetë i të cilit është Daniel Hernandez. Siç bën me dije TMZ ai ka përfunduar në spital pasi është marrë peng nga persona të armatosur.

Reperi ishte duke punuar për një këngë të re dhe u kthye vonë në banesën e tij, rreth orës 04:00 të mëngjesit. Në këtë moment persona të maskuar dhe të armatosur i zunë pritë me makinë dhe e goditën duke e lënë pa ndjenja.

Ajo që Tekashi mban mend më pas është se u zgjua në sediljen e pasme të makinës së tij që po e ngisnin pengmarrësit. Nën kërcënimin e armës i kërkuan para.

Më pas ata iu drejtuan shtëpisë së reperit ku grabitën bizhuteri me vlerë rreth 750 mijë dollar dhe 20 mijë dollar cash.