INTV NEWS SHOWBIZ MAGAZINA MUSIC MOVIES FASHION MED+ SPORTS VIDEOS
Marina do të rikthehet në Top Channel? Ja sa kanë ndryshuar ajo dhe Luana gjatë 10 viteve! [VIDEO]

Marina do të rikthehet në Top Channel? Ja sa kanë ndryshuar ajo dhe Luana gjatë 10 viteve! [VIDEO]

Publikuar më: 10:34 27-04-2020

Moderatorja e dashur për publikun, Marina Vjollca ka pasur një karrierë të gjatë në “Top Channel”. Për 10 vite ajo prezantoi krah Edi Manushit emisionin “Procesi Sportiv”, por 3 vite më parë u largua për të bërë si fillim një shkëputje nga ekrani.

Por, ditën e djeshme ajo është kthyer me nostalgji në emisionin “E Diell” në rubrikën sportive. Nëpërmjet një videoje produksioni i ka kujtuar 10 vitet e saj në emisionin e sportit dhe sigurisht që Marina u emocionua.

Ndër vite vihet re edhe ndryshimi me moshën i moderatores, dhe vihet re që pozitiviteti e ka shoqëruar gjithmonë Marinën. Madje në video shfaqet edhe Luana, teksa Marina thotë “motrat bëjnë fuqinë”.

Gjatë intervistës Edi Manushi e ka ngacmuar nëse ajo do të rikthehet në “Top Channel” në shtator dhe Marina zgjodhi që të mos japë asnjë përgjigje, ndërsa moderatori tha se mundësia nuk përjashtohet.

Tashmë Marina është pjesë e spektaklit të humorit “Klanifornia” aty ku duket se është përshtatur mjaft mirë.

Article Logic
Execution time: 0.0029339790344238