Me 69 vota pro, asnjë kundër dhe asnjë abstenim dhe pa prezencën e opozitës Kuvendi ratifikoi marrëveshjen mes Maqedonisë dhe Greqisë për çështjen e emrit. Në fjalimin e tij Kryeministri Zoran Zaev në seancën parlamentare, tha se qytetarët do ta sjellin vendimin përfundimtar për çështjen e emrit.

“Para tre ditëve nënshkruam dokument për t’i dhënë fund çështjes tre dekadëshe. Kemi nënshkruar fillimin e fundit të paqartësive. Zgjidhje me dinjitet për të dyja palët. Gjuha dhe identiteti nuk do të shkelen nga marrëveshja”, deklaroi Zoran Zaev.

 

Marrëveshja u përshëndet edhe nga Deputeti shqiptar i BDI-së.  Artan Grubi tha para deputetëve se pse duhet të ratifikohet marrëveshja me Greqinë.

“Jeta të mëson se vendimet duhet t’i sjellësh në kohën e duhur, jo vonë, por në kohë të saktë. Sot është koha e vendimit më të vlefshëm për të ardhmen tonë të përbashkët. Vendimi i sotëm na sjell datë për negociata me BE-në dhe ftesë për anëtarësim në NATO”, deklaroi  deputet i BDI-së.