Në puntatën e kësaj të premteje në “Live me Luizin”, moderatori Luiz Ejlli riktheu në vëmendje një batutë të tij, në të cilën përmendet edhe Beatrix Ramosaj.

E ftuar në emision ishte tezja e këngëtares, Albërie Hadërgjonaj. Gjatë bisedës, Luizi tentoi të telefononte Beatrixën, por ajo nuk u përgjigj. Në vend të saj, Albëria telefonoi motrën e saj, Antigona Ramosaj, me të cilën moderatori pati një bisedë të shkurtër.

Gjatë telefonatës, Luizi iu referua batutës ku kishte përmendur Beatrixën dhe Kiarën, duke i kërkuar falje këngëtares nëse ajo ishte ndier e prekur nga fjalët e tij.

Luizi: Antigon. Dua të të them vetëm dy gjëra. E para, ku mund ta gjejmë Beatrix-ën?

Antigona Ramosaj: Beatrixa është në Miami për momentin, po merret me disa projekte. I ka bërë shumë mirë Amerika.

Luizi: Edhe mua më ka bërë punë Amerika. Njerëzit i kam andej, vetë jam këtu. Tani dëgjo, unë kam bërë një batutë me Beatrix-ën, ku ka përmendur edhe Kiarën time. E shkathët si Kiara, e mençur si Beatrixi.

Nëse është mërzitur, sinqerisht i kërkoj falje, të duam shumë. Je shumë vajzë e mirë. A mundesh që kur të vijë nga Miami, t’i japësh Beatrixës një përqafim të madh nga unë dhe Kiara?