Mjekët trajtojnë me antibiotikë shumicën e foshnjave të lindur parakohe pa qenë të sigurt nëse të sapolindurit kanë infeksione që luftohen me medikamente, thotë një studim i ri. Foshnjat e parakohshme kërcënohen nga infeksionet dhe komplikacionet vdekjeprurëse, të cilat mund mund të parandalohen vetëm me trajtim me antibiotik. Por përdorimi i hershëm dhe afatgjatë i medikamenteve pas lindjes së një bebeje të parakohshme është i lidhur me zhvillimin e rezistencës antibiotike, infeksioneve të tjera dhe madje edhe rritjes së rrezikut të vdekjes. Një studim i ri nga Spitali i Fëmijëve i Filadelfias zbuloi se më shumë se tre të katërtat e foshnjave që lindin parakohe janë trajtuar me antibiotikë. Një në 10 foshnje në botë lind herët dhe me një peshë lindjeje nën nivelin normal. Kjo ngre rreziqet e problemeve të frymëmarrjes dhe të zemrës, aftësitë e kufizuara më vonë dhe vdekjen e hershme. Këta të sapolindur hyjnë në botë me një sistem të imunizuar të pazhvilluar, kështu që ata janë më të prekshëm ndaj infeksioneve dhe të pajisur dobët për t'i luftuar ato.