Raportuesi për Shqipërinë në  Komisionin Europian, Knut Fleckeinstein është një tjetër tifoz i Kombëtares shqiptare në këtë Euro 2016. Ai duket se ka krijuar një lidhje shpirtërore me vendin tonë dhe sigurisht nuk ka munguar as urimi i tij për kombëtaren  në ndeshjen e sotme kundër Zvicrës.  Nëpërmjet një statusi të postuar në facebook-un e tij, ai ka folur për Shqipërinë.  “Jam i sigurt se Shqipëria do të fitojë kundër Zvicrës. Kjo sepse kjo skuadër ka një shpirt dhe një dëshirë të pakufishme për të fituar”, shkruan Fleckeinstein  në prag të ndeshjes.