Milani po bën goxha bujë me pjesën financiare të saj. Rishitja e ekipit, blerjet në sasi të mëdha, ndërrimi i shpeshtë i aksionerëve bëri që çështja Milan të përfundonte në Gjykatën e Arbitrazhit Sportiv. Tashmë mbas shumë kohësh UEFA ka marrë përsëri dosjen e Milanit.

Vendimi më i keq mundshëm është për t’u përjashtuar. Problem do të ishte nëse analiza e UEFA-s e gjen Milanin në një situatë po aq të rëndë sa ajo e kinezëve, çka mund ta shtyjë të ripropozojë përjashtimin nga kompeticionet e saj.

Mundësia reale është që komisioni gjykues të ndëshkojë Milanin me një ose disa nga këto masa: gjobë, reduktim të organikës, kufizim të blerjeve, madje deri ndalim të merkatos. Gjithçka do të varet nga gjendja e arkave kuqezi, por dënimi është i pashmangshëm.

Në rast se Milani gjen rrugën e bisedimeve me UEFA-n, kjo e fundit do t’i kërkojë një plan financiar tejet solid, të besueshëm, të vetëfinancueshëm dhe që mbi të gjitha parashikon një shlyerje të detyrimeve brenda 48 muajsh