Tashmë ka kohë që jeni të shtrirë në shtrat. Po bëni çmos që të flini sadopak, por është e pamundur?

Ngrihuni nga shtrati. Kur qëndroni të zgjuar në shtrat, ju ia dërgoni vetes një mesazh të gabuar. “Në këtë mënyrë ju e trajnoni organizmin dhe trupin tuaj që në shtrat nuk duhet të flini, por thjesht të qëndroni të shtrirë”, thekson dr. Harneet Ëalia. “Sa më gjatë që qëndrojmë të shtrirë në krevat, jemi gjithnjë e më të frustruar me ambientin. Pas kësaj, truri ynë fillon ta lidhë dhomën e gjumit me pagjumësinë”, tha dr. Erik Olson.

Pra, nëse nuk mund teëflini dhe rrini  zgjuar në shtrat, përpiquni të dilni nga dhoma. Bëni diçka që do t’ju relaksojë – dëgjoni muzikë, lexoni ndonjë libër…  Dushi gjithashtu ndonjëherë mund të ndihmojë, sepse është e mundur që do të jeni të përgjumur kur temperatura e trupit bie pas dushit. Çfarëdo që bëni, bëjeni  larg nga shtrati dhe kur të ktheheni, do të  jeni të përgjumur.

Provoni me teknikat e relaksimit. Provoni me meditim, joge, frymëmarrje të thellë dhe të përqëndruar… ta “dëboni” pagjumësinë.

Dr. Walia gjithashtu rekomandon se çdo grup  muskujsh, nga ata në këmbë  dhe me radhë deri në kokë, t’i shtrëngoni për disa sekonda, dhe pastaj t’i relaksoni.

Vizualizimi është një tjetër teknikë e cila përdoret shpesh dhe funksionon duke e imagjinuar veten në ndonjë vend të këndshëm dhe të qetë.

Sa i përket “ilaçit” më të njohur për pagjumësi, numërimit të deleve, dr. Olson thotë se ajo është “teknika e tërheqjes së vëmendjes”, e ngjashme me vizualizimin. “Problemi me gjumin është se, sa më shumë që mendoni se  duhet te flini, aq më vështirë do të flini. Prandaj çdo gjë që ua largon vëmendjen nga ky mendim, do t’ju ndihmojë”, shpjegon Olson.

Largojeni ankthin.

 Ndonjëherë arsyet për pagjumësi janë mendimet për brengat, stresi në punë, në shtëpi… Si pasojë e gjithë këtyre, truri lodhet, ndërsa dr. Olson u rekomandon atyrë që kanë probleme të tilla që ta mësojnë trurin të mendojë për këto probleme në një kohë më të përshtatshme të ditës. E dimë se është më e lehtë të thuhet se sa të bëhet, por një mënyrë që t’ju lehtësojë mundimet është që çdo ditë të shkruani në lidhje me atë që ju mundon. Duke shkruar për problemet e ditës, do të mendoni më pak rreth tyre gjatë natës.

Kur jeni zgjuar deri në tre ose katër të mëngjesit, nuk do t’ju ndihmojë dot të menduarit se tashmë do të duhej të ishit në gjumë. Mjeket Olson dhe Ëalia pajtohen se nuk do të duhej ta harronim orën, dhe madje këshillojnë që ta largoni atë që të mos ju “paralajmerojë” se është bërë mëngjes dhe që duhet të flini.

Sido që të jetë, mjekët rekomandojnë që të përpiqeni ta largoni pagjumësinë me ndihmën e disa prej këtyre trukeve, në mënyrë të natyrshme. Nëse asnjë nga këto nuk ndihmon, këshillohuni me mjekun.