Pas paraqitjes në Billboard Music Awards, realizoi bashkëpunimin me dy këngëtaret shqiptare, Rita Ora, Bebe Rexha dhe me Charlie X. Por Cardi B nuk ndalet. Ajo sapo ka publikuar klipin ‘Be Careful’, fabula e së cilit mbetet në mendje. Një romancë e shkuar keq ku reperja martohet në një Kishë në shkretëtirë ku edhe e paralajmëron partnerin të jetë i kujdesshëm. Por martesa e tyre papritur merr tjetër drejtim dhe këtë e tregon Cardi B ku shfaqet sërish në Kishë, por këtë herë për funeralin e bashkëshortit të saj gjersa e përplas arkivolin dhe këndon “Ti më bën të sëmurë”. Ajo di si të surprizojë dhe të tërheqë vëmendje.