Një person është plagosur me armë zjari në afërsi të një kompleksi turistik në Golem, Kavajë. Sipas burimeve policore, paraditen e sotme, rreth orës 10:35, pas një sherri për shkaqe që ende nuk janë bërë të ditura, shtetasi E.B është qëlluar me armë zjarri, dhe pas plagëve të marra në trup është dërguar menjëherë në spital. Ngjarja ka ndodhur afër komplesit “Xixa”, Golem, ku policia ndodhet në vendin e ngjarjes dhe po punon për sqarimin e plotë të rrethanave të plagosjes.