Vatrat masive të zjarrit që kanë përfshirë veriun e Kalifornisë kanë shkaktuar vdekjen e të paktën 21 personave , ndërsa qindra zjarrfikës vijojnë përpjekjet maksimale për të shuar flakët. Situate ka bërë që mijëra njerëz të eavkuohen nga zonat e prekura. Flakët kanë djegur 2.000 shtëpi dhe 20.000 qytetarë janë detyruar të largohen nga shtëpitë e tyre. Zjarret e fuqishme ka përfshirë një pjesë të njohur të Kalifornisë për prodhimin e verës.Mësohet se 180 persona janë plagosur dhe 670 persona konsiderohen të zhdukur. Një nga qytetet më të prekura është edhe Santa Rosa, në veri të San Franciskos, ku pothuajse pjesa më e madhe e shtëpive janë të shkatërruara nga flakët.