Bëhet fjalë për një marrëveshje bashkëpunimi mes policive të të dy vendeve. Prej një muaji, punonjës të policisë shqiptare patrullojnë në rrugët e Strugës në Maqedoni, ashtu si dhe në Sarandë janë policë nga Maqedonia. Një marrëveshje e tillë bashkëpunimi policor, funksionon edhe me Kosovën prej disa vitesh, ku policët patrullojnë “Rrugën e Kombit” dhe disiplinojnë trafikun e automjeteve. Policët shqiptarë janë shprehur të kënaqur nga bashkëpunimi që kanë me kolegët fqinjë për korrektesën e tyre dhe mirësjelljen.