Ata janë dy nga aktorët më të njohur latinë të cilët numërojnë shumë role në repertorin e tyre të pasur dhe padiskutim ndër më të preferuarit e publikut. Prej vitesh Ëilliam Levy dhe Elizabeth Gutierrez janë në një marrëdhënie bashkëshortore prej të cilës kanë edhe dy fëmijë.

Ditën e djeshme, Elizabeth ose siç e njihni më mirë në rolin e “Analia”, mbushi 39 vjeç dhe për ditëlindjen e saj u bë një festë në një jaht luksoz.

Ëilliam e uroi të shoqen duke postuar thjesht një foto të tyre në Instagram, por pa ndonjë dedikim, gjë që u kritikua nga fansat.

Ky postim ka ngjallur reagimin e ndjekësve të tij të cilët e kanë cilësuar si mjaft të vakët këtë dedikim.

Aktori u është kundërpërgjigjur ashpër ndjekësve.

‘Për të gjithë ata që presin t’i them gruas time ato që kam për t’ia thënë në Instagram, më lini tju tregoj se jeni gabim. Ato që kam për t'ja thënë ja them personalisht, pasi dhe ne kemi një jetë private. Qëllimi i fotos ishte për të ndarë diçka me ndjekësit tanë. Jeta jonë nuk është një reality shoë. Zoti ju bekoftë’ ka mbyllur reagimin e tij aktori.