Komisionari i Bashkimit Evropian për Zgjerim, Johannes Hahn, pritet të vizitojë sot Kosovën. Gjatë kësaj vizite, Hahn do të takohet me presidentin Hashim Thaçi, Kryetarin e Kuvendit, Kadri Veseli, Kryeministrin Ramush Haradinaj si dhe liderët e opozitës.

Fokusi i vizitës do të jetë vendimi e Qeverisë së Kosovës për vendosjen e taksës 100 për qind për mallrat nga Serbia dhe Bosnja e Hercegovina.
Po ashtu gjatë vizitës pritet ta përsërisë thirrjen për heqjen e taksës dhe të nënvizojë nevojën për fokusim në përmirësimin e marrëdhënieve fqinjësore dhe bashkëpunimin rajonal, shkruajnë mediat në Kosovë.