"Kënga Magjike" mban këtë vit edicionin e 20 dhe së shpejti nisin netët finale në Pallatin e Koncerteve. Siç është bërë e ditur këtë vit krah Ardit Gjebreas do të prezantojnë Bora Zemani dhe Klaudia Pepa.

Sigurisht që të gjithë janë kuriozë të shohin rikthimin e Klaudia Pepës në skenën shqiptare, mirëpo, sipas ‘Blitz’, Bora dhe Klaudia nuk do të jenë të vetmet prezantuese që do të shoqërojnë publikun në skenë. Gjatë transmetimit të netëve finale, Arditin do ta shoqërojnë edhe emra të tjerë të njohur të showbizit, por ende nuk dihet se cilët janë ato.