21-vjeçarja miliardere Kylie Jenner feston në 10 gusht 22 vjetorin e lindjes. Ylli i reality showt të njohur ‘Keeping up with the Kardashians’, Kylie ka vendosur që ditëlindjen ta festojë në një jaht super luksoz që është sa një fushë futbolli.

Sipas TMZ, jahti madhështor kushton 250 milionë dollarë dhe Kyliet do t’i kushtojë 1.2 milionë dollarë vetëm qeraja e tij për një javë. Brenda tij mund të qëndrojnë 22 persona dhe ekuipazhi është i përbërë nga 29 persona.

Quhet ‘Tranquility’ dhe ka 10 dhoma, një sauna, vend për helikopter privat, sallon bukurie, pishina, xhakuzi dhe kinema. Thuhet se bukuroshja brune do të udhëtojë nga Amerika drejt brigjeve të Mesdheut me të.