Një 22- vjeçar është arrestuar nga policia italiane, nën akuzën e grabitjeve. I riu Sebastian Korriku pas hetimeve të kryera nga policia italiane, ka rezultuar autor i dy grabitjeve me vlerën e mijërave eurove.

Mediat italiane shkruajnë se ai rezulton të ketë kryer vjedhjet e dy banesave në 22 janar dhe më 4 prill të këtij viti.

Në të dy rastet, hajduti shqiptar kishte hyrë në shtëpi duke thyer dritaren dhe duke marrë prej andej mallrat e vjedhura mijëra euro, para si dhe sendeve me vlerë.

Korriku u ndalua nga skuadra e policies në aeroportin e Xhenovas, ndërsa ishte nisur për të fluturuar drejt Shqipërisë.

Aktualisht është duke u hetuar nëse është i përfshirë edhe në incidente të ngjashme të kryera gjatë muajve të fundit.