Ozcan Deniz dhe Feyza Aktan janë ribashkuar! Të paktën kështu shkruhet në mediat turke, pasi disa foto të realizuara nga paparacët bënë xhiron e rrjetit në pak minuta.

Çifti i aktorëve të njohur po kalojnë pushimet së bashku në Bodrum dhe pranë tyre ka qenë dhe djali disamuajsh. Në një moment ata janë parë teksa qëndrojnë të kapur dorë për dore dhe kjo duket se është arsyeja kryesore që të gjithë dyshojnë për ribashkim.

Ozcan dhe Feyza u ndanë pak kohë pasi i bënë prindër, kur kishin vetëm 1 vit martesë dhe divorci i tyre mori shumë vëmendje. Siç u përfol, të dy kishin firmosur një kontratë për të mos e komentuar atë vendim në media.