Pas Blerim Xhemajlit, një tjetër futblollsit i njohur shqiptar i ka dhënë fund lidhjes me partneren, pas 12 vitesh që qëndronin bashkë.

Valon Berhami, i cili luan për Udinese-n në Itali, është ndarë nga partnerja Elena Bonzanni.

Lajmin e ka bërë të ditur vetë Berhami nëpërmjet një postimi në rrjetet sociale.

“Nëpërmjet këtij shënimi, dëshiroj t’ju komunikoj që pas 12 vitesh, marrëdhënia ime sentimentale me Elena Bonzanni-in ka përfunduar. Dua ta sqaroj publikisht për të shmangur spekulimet dhe kërkoj respektin maksimal për të gjitha palët e përfshira, në veçanti vajzat tona, Sofia dhe Isabel. Qetësia dhe e ardhmja e tyre për momentin janë prioriteti im. Nuk do të jap deklarata të tjera për mediat me shpresën se rezervimi ynë ndaj kësaj situate do të kuptohet nga ju!”-shkruan ai, duke mos dhënë më tej shpjegime.