Franca ka nderuar Kryeministri, Edi Rama me urdhrin “Komandant i Legjionit të Nderit”. Ky është vlerësimi më i lartë që jep Franca.
Lajmin e ka dhënë vetë Rama nëpërmjet një postimi në Twitter.
 
“Ndihem i nderuar që kam marrë urdhrin “Komandant i Legjionit të Nderit” nga presidenti francez. Faleminderit Francë”, shkruan Rama.
Titulli i është dorëzuar kreut të qeverisë nga Presidenti francez, François Hollande.
Me këtë titull janë nderuar 600 persona, mes të cilëve viktimat e Charlie Hebdo,  Lionel Jospin, Michel Legrand e ndërsa pak kohë më parë me këtë titull është nderuar dhe shkrimtari i madh shqiptar Ismail Kadare.
Rama ka qenë ditën e djeshme në Francë ku ka zhvilluar disa takime zyrtare në qendër të së cilës kanë qenë procesi i integrimit europian dhe reformat e ndërmarra nga qeveria shqiptare.