iPad Pro, Mac mini dhe MacBook Air. Këto janë produktet e prezantuara nga Apple gjatë eventit më 30 tetor, por ka shumë pajisje të tjera që kompania nuk ka përmendur dhe se shumë prej tyre priteshin me padurim ...

Para eventit, disa thashetheme folën gjithashtu për risitë e tjera të mundshme që Apple, megjithatë, nuk e paraqitën në eventin e saj të vjeshtës.

AirPower dhe AirPods
Pothuajse nuk befason më mungesa e lajmeve për AirPower ose AirPods e reja, edhe pse Apple ka prezantuar këto risi në shtator 2017. Shumë prisnin lançimin e shitjeve të AirPower, e cila tani është gjithnjë e më shumë e fshehur në mister dhe mund të lëshohet në një version komplet të ri vetëm në vitin 2019.
E njëjta gjë vlen edhe për AirPods, ose të paktën për rastin e pajtueshëm me karikimin wireless. Edhe në këtë rast, asgjë. Ne do të presim për 2019.

iMac
Ndër produktet më të pritura, edhe për shkak se update i fundit daton shumë kohë më parë, sigurisht që ishin iMac-et e rinj. Me sa duket ne duhet të presim për 2019 për të zbuluar gjeneratën e re të pc all-in-one të Apple.

Mac Pro
Ne nuk kemi pasur ndonjë informacion të veçantë për këtë model, i cili nuk është përditësuar për disa kohë. Në këtë pikë ne presim një Mac Pro të ri në gjysmën e dytë të vitit 2019.

iPad mini
Disa ditë përpara ngjarjes, analisti Ming-Chi Kuo kishte thënë se Apple po punon për një mini iPad të ri, por nuk ishte i sigurt për prezantimin e tij gjatë fjalimit të 30 tetorit. Kjo pajisje duhet të lançohet në muajt e ardhshëm, ndoshta në fund të marsit, me dizajn dhe veçori të ngjashme me iPad Pro e ri, me përjashtim të ekranit i cili do të jetë më i vogël.