Këngëtarja ka vendosur të hapë një kapitull të ri në jetën e saj duke synuar tregun ndërkombëtar të muzikës. Dhe në vazhdimësi të kësaj, këngëtarja e hitit "Lejla"   duket se e ka ndërmarrë shumë seriozisht këtë hap duke vendosur të largohet ndoshta përfundimisht nga Shqipëria. Këtë ide e forcon edhe më shumë fakti që ajo ka shitur biznesin e saj "Altar" ku shiste dhe jepte me qera fustane të ndryshme të cilat i dizenjonte stilisti i mirënjohur kosovar Valdrin Sahiti.

Sipas dokumentave të depozituata në QKR, mësohet se Elvana pak ditë më parë e ka shitur këtë biznes. Dhe nuk ka shitur pjesë të aksioneve të saj, por 100% të aksioneve. Fama ishte çelësi kryesor që i garantonte asaj suksesin e këtij biznesi por fama ndërkombëtare në muzikë si duket e ka joshur më tepër Elvanën.

Siç shihet edhe nga ekstraktet e QKRsë, Elvana ka shitur të gjitha aksionet e saj më 24 janar 2017 dhe ky ndryshim është pasqyruar në dokumenta më 8.2.2017. Elvana ishte bërë pronare me letra e këtij biznesi, në gusht të vitit të kaluar, pasi kuotat zotëroheshin nga nëna e saj. Ndërkohë, shtija e kuotave te një vajzë që nuk është familjare e saj, ngre shumë pikëpyetje.

Ndërkohë Elvana ka aksione  edhe në dy biznese të tjera, njëri nga të cilët është “Proper Pizza”, ku ka 35% të aksioneve, ndërkohë që Flor Mumajesi ka 51% të aksioneve.

Ndërkohë nga ana tjetër, të afërm të këngëtres shprehen se Elvana është në një lidhje me një biznesmen, megjithatë këto mbeten vetëm hipoteza derisa  30 vjeçarja të thyejë heshtjen.