I njohur apo jo, nëse shkel për herë të parë në Shtetet e Bashkuara të Amerikës, sidomos kur je shqiptar, nuk mund të ikësh prej andej pa bërë pikërisht këtë gjë...të kalosh nga studio e Fadil Berishës! Fotografi me famë botërore, që njihet si një nga mbështetësit dhe promovuesit më të mëdhenj të modeleve, aktorëve dhe artistëve të rinj, është gjithmonë i gatshëm për t'u realizuar atyre sete fotografike profesionale.

Me sa duket, tundimit nuk i ka shpëtuar as Klea Huta, e cila prej disa ditësh ndodhet në Amerikë, bashkë edhe me partnerin e saj Elgit Doda, ku janë totalisht të përfshirë në projektin e ri që do të sjellin së shpejti.