Është bërë pothuajse si “minirubrikë” në inlife.al që zakonisht fundjavave ju tregojmë se cila ka qenë kënga më e dëgjuar nga shqiptarët dhe këtë detaj do ua tregojmë edhe sot. Javët e fundit janë publikuar disa këngë që janë pëlqyer shumë nga dëgjuesit shqiptarë dhe me një kërkim të vogël në Youtube vumë re se cila prej tyre po dëgjohet më së shumti.

Bëhet fjalë për projektin e fundit “Blitz” nga reperi i ri Marin. Ai tashmë është bërë një emër i njohur në estradën shqiptare. Marin është rep-artisti që ka arritur për pak kohë të marrë vëmendje të madhe, për shkak të projekteve të veçanta.

E suksesshme ka rezultuar edhe kjo këngë e fundit e cila ka gjeneruar mbi 1.2 milionë klikime dhe është numri 1 në “trending” në YouTube.