Instagram nisi si një platformë e dedikuar vetëm për fotografitë, por pasi u ble nga gjiganti Facebook, gjërat filluan të rrjedhin ndryshe, dhe Instagram po përditësohej me kohën.

Si fillim u prezantuan videot, më pas stories dhe shumë e shumë opsione të reja. Por Instagram nuk përdoret vetëm për të shpërndarë foto dhe video. Kush di, dhe ka vullnetin përveç ideve, e përdor këtë rrjet social për të përfituar të ardhura.

Së fundmi Instagram na dhuroi një tjetër funksion për të ndërvepruar me ndjekësit: Kuicet! Është në një mënyrë e kundërta e “Ask me a question.” Me “Quiz,” ju bëni një pyetje, iu ofroni ndjekësve tre – katër alternativa dhe ata përgjigjen si të ishte një test.