Kejvina Kthella është kthyer në një nga vajzat më të komentuara dhe çdo e re rreth modeles përbën interes për publikun. Gjithashtu ish-velina është shumë aktive në Instagram ku publikon foto ku ajo shihet e kuruar deri në detaj duke tërhequr vëmëndjen e të gjithëve.

Sot është një ditë e veçantë për të pasi modelja feston 24-vjetorin e lindjes dhe sigurisht që nuk kanë munguar urimet në drejtim të saj. Kejvina i ka rishpërndarë të gjitha urimet në 'Instastoryn' e saj dhe ndër urimet më të veçanta janë ato të reperes së njohur Tayna dhe modeles Françeska Jaçe.

Tayna ka publikuar një foto të shkëputur nga xhirimet e këngës së saj “Kce” ku Kejvina ishte pjesë dhe ka përmbi të ka shkruar: “Gëzuar ditëlindjen vogëlushe, të dua!”

Ndërsa mikesha e saj e ngushtë Françeska i ka shkruar: “Gëzuar ditëlindjen shoqja ime e ngushtë në kohë të mira dhe të këqija. Të dua!”.

Kejvina ka marrë urim dhe nga ish-banori i njohur i Big Brother, Klodi, por edhe nga menaxheri i VIP-ave, Xhani Demika i cili e quan “Termeti nga Lezha”.