Pas një televotimi të fortë mes tre banorëve, Juela është eliminuar nga gara në Big Brother VIP Albania 5. Ajo rezultoi më pak e votuara nga publiku për të vijuar rrugëtimin në shtëpinë më të famshme në vend. Në nominim përballë saj ishin edhe Shëndriti dhe Edisa.

Edisa është e eliminuara e dytë e mbrëmjes së sotme pas një televotimi që zgjati vetëm pak minuta. Edisa ishte përballë Mirit, Brikenës dhe Shëndritit dhe mori numrin më të vogël të votave nga publiku.

Me largimin e Juelës dhe Edisës, loja bëhet edhe më e fortë, ndërsa finalja është tashmë shumë pranë, më pak se dy javë larg. Banorët e mbetur do të përballen me sfidat e fundit për të siguruar një vend në natën finale.